الرئيس السيسي يدعو لتسويق أفضل لجهود الأبطال الرياضيين المصريين ويشدد على أهمية دعم وتطوير مراكز الشباب

تحدث الرئيس عبدالفتاح السيسي، عن خروج بعض الأبطال الرياضيين إلى الخارج، قائلا: محتاجين تبذلوا مجهود أكبر، الجهد اللي بتعملوه مبيتمش تسويقه بشكل كويس، لأن ده جهد كل قطاعات الدولة ومحل دعم واهتمام.

 فعاليات يوم الاحتفال بتفوق جامعات مصر

أضاف الرئيس السيسي خلال جلسة بناء الإنسان ضمن فعاليات يوم الاحتفال بتفوق جامعات مصر: أفكار إدارة مراكز الشباب والنوادي لا قبل لنا بها، ولازم تشوفه صيغة مالية أخرى علشان تتعاملوا بيها مع الموضوع وتقدروا في رفع كفاءة 4 آلاف مركز شباب، وبدأنا بيه، لو المراكز دي مش هتغطي إنفاقها هترجع مرة تاني والدولة مش هتقدر كل شوية تدخل تعمل تكلفة مالية ضخمة جدًا لهذا العدد لاستعادة كفاءتها مرة تانية”.

وأشار الرئيس: بس عاوز الناس تعرف الناس بتسمع جانب إن ابننا مشي وسابنا علشان احنا مدعمنهوش أو مش مهتمين بيه، أتمنى إن كل ولادنا وبناتنا يبقوا أحسن حاجة في كل حاجة، المواضيع دي تمثل نقطة مش طيبة في نسيج الجهد اللى بتبذلوه، في كل الجوايز اللي كانت تقدم لكل أبطالنا الحاصلين على بطولات رقم لا يعبر عن تقديرنا ليه، هما يستحقوا أكبر من كده بكتير، لكن الرقم مش متواضع قوي”.