بالتفاصيل.. الأسرار الحقيقية وراء انفصال محمد رشاد و مي حلمي- صور

نشر الفنان محمد رشاد منشورًا عبر حسابه على “إنستجرام”، أوضح فيه تفاصيل خاصة بطلاقه من الإعلامية مي حلمي، كما طالب متابعيه بأن يتجاوزوا هذا الموضوع، مؤكدًا أنه لن يعلق على هذه الأزمة مرة أخرى.

وكانت قد رفضت المذيعة مي حلمي التدخل في حياتها، وهاجمت في فيديو مطول بثته “لايف” عبر خاصية “القصص القصيرة” بموقع “إنستجرام”، من وصفتهم بالمتطفلين، ومن أرسلوا لها رسائل بشأن ما تردد من أنباء عن انفصالها عن الفنان محمد رشاد، رغم عدم وجود سابق معرفة بينها وبينهم.

وفي السطور التالية، ننشر أبرز ما قالته مي:

– ” يعني وبعدين أنتم ميتقالكومش غير كلمة وبعدين بكل القرف اللي في الدنيا، الواحد يتجوز، يتطلق،أنتوا مالكم أنتوا حاشرين نفسكم في حياتي أكتر مني يعني”.

– “مصر كلها تبعت اللي عمري مشوفتهم في حياتي بيكتبوا تعليقات، ويسألوا بكل تطفل، وأنتم مالكم كل إشاعة وكل كلام نيلة بيتكتب بتقولوا نفس الكلام وتزودوا، واللي زاد وغطا يقولوا أصل هي بتتبرع بفستان فرحها وبوست بقاله أسبوع، عشان الذكريات تتمحي، أنتم مالكم”.

– “واللي يقول أصلها مش أصيلة وموقفتش جانبه وخايفة على بيتها، وشرحنا أربعين ألف مرة ومش مضطرة أشرحه تاني، مش مضطرة أقول حاجة مش عايزة أقولها، المرة دي مش هسكت لو ليا مزاج أقول حاجة هقولها ماليش مش هقولها، لما يجيلي الوقت بمزاجي أعرف حد عني أي حاجة، أنتوا مهتمين تعرفوا حياتنا أكتر مننا”.

– “الناس اللي بتابعني اللي عرفاهم أشكركم أنكم مبعتوش تسألوا عن حاجة، لكن الناس اللي عاملة محامين وإني ست مش أصيلة، أمال طلعت أعيط ليه لو أنا مش أصيلة، حكمت كده ورددت الكلام زي القطيع، آخركم متفرجون ليس إلا”.

– “مش هتكلم عن القضية حاجة مش بتاعتي ماليش حق أتكلم فيها، وكان قراري صح إني أنا أخفي حياتي، وقرار رشاد صح، وأنا حرة مش هقول والله مش هريحكم بقول للناس العاقلة اللي بتابعني شكرا إنكم مدخلتوش”.

– “عارفة إنكم هتمسكوا الكلام اللي على مزاجكم وبتسيبوا الباقي، مش بتفرحوا غير في المصايب، مش عايزين غير أخبار الفضايح، هتاخدوا الكلام اللي عايزينه، واللي مش لاقيين حد يربيهم في البيت وتلاقيها مقهورة نفسيا وتكتب إني موقفتش جانبه في أزمته المالية، بتكلمي في إيه يا روح القلب، ده بيدل على البيت اللي أنتي طالعة منه، لو أبوكي وأمك يعرفوا إن ممكن أعملك قضية تشهير مش هيمسكوكي الموبايل أصلا”.

يأتي ذلك بعدما أكد المطرب محمد رشاد، خبر انفصاله من المذيعة مى حلمى، منذ قليل، عبر صفحته بموقع فيس بوك قائلاً: “ناس كتير من أصدقائى كلمونى بعد ماعرفوا خبر انفصالى.. عشان كده أنا عايز أقول كل شىء فى الأول والآخر نصيب وربنا يوفق الجميع”.

ونشر رشاد منشورًا عبر حسابه على إنستجرام، أوضح فيه تفاصيل خاصة بطلاقه من الإعلامية مي حلمي، كما طالب متابعيه بأن يتجاوزوا هذا الموضوع، مؤكدًا أنه لن يعلق على هذه الأزمة مرة أخرى.

وكتب رشاد في منشوره: «قبل أي شيء.. بسم الله الرحمن الرحيم (الطلاق مرتان فإمساك بمعروف أو تسريح بإحسان) صدق الله العظيم.. الآية الكريمة دي بتلخص تفاصيل كتير مش هدخل فيها لأنها تخصني وتخص طرف تاني كان في يوم جزء من حياتي».

وتابع: “وبعد 3 مرات طلاق أكيد مينفعش نكمل وكأنه محصلش، أنا بطلب من كل الناس سواء بتحبني أو لا بتابعني أو متعرفنيش أصلا إنهم يعدوا الموضوع كأنه مجاش قدامهم لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش وفالأول والآخر، ياريت نراعي إن البنت بتتأثر بالكلمة الوحشة قبل الحلوة.. قضينا أيام منها الحلو ومنها اللي مش حلو، وكل شيء نصيب وقدر من ربنا وبتمنى كل الخير والسعادة للناس ولإنسانة طيبة وليها مكانة في قلبي والنصيب والعشرة انتهت لحد هنا. ودا هيكون اَخر حاجة ممكن أقولها بخصوص الموضوع دا”.

وعلق على منشوره قائلًا: “أتمنى تقروا وتفهموا الكلام كويس وتنفذوه من فضلكم.. كل شيء نصيب والكلمة الطيبة قدرها كبير عند الله وفي قلوب الناس”.

وقال محمد حلمي – محامي المطرب محمد رشاد والإعلامية مي حلمي – إن الطرفين اتفقا على الانفصال بعد العديد من الخلافات التي لا حل لها.

وفي السطور التالية أبرز 7 معلومات عن المذيعة مي حلمي:

مي من مواليد 13 فبراير

درست بمعهد الفنون المسرحية، ثم درست الإرشاد السياحي، وعملت به لمدة 6 سنوات.

كانت بداية في الإعلام من خلال برنامج “حلمي مع مي حلمي”، والذي كان يبث على إذاعة “محطة مصر” بشكل “أونلاين”.

انتقلت “مي”، بعد ذلك إلى قناة “شعبي F.M”، وقدمت من خلالها برنامج “أوسكار الأغنية الشعبية”.

وتُقدم برنامج “متسمعش وبس”، حاليًا، على الراديو “90 90″، بجانب عملها كمقدمة برنامج “ملاعب أون سبوت”