شريف منير يكشف عن دوره في فيلم ”السرب”

علق الفنان شريف منير على دوره في فيلم “السرب” المرتقب قائلاً: “أفضل هذه النوعية الأفلام التى نعبر من خلالها عن حب مصر، والتي تشهد تحقيق خطوات ناجحة ومهمة وعظيمة تتسم بالثبات والثقة”.

وتابع “منير”، في مداخلة هاتفية عبر برنامج “كلمة أخيرة”، الذي تقدمه الإعلامية لميس الحديدي على شاشة ” ON”، يوم الإثنين، قائلاً:” أنا بحب بلدي وبحب الإدارة القائمة على إدارة شؤون مصر وحاسس بالتنوع والنجاح، مضيفا، كل يوم في قنوات أهل الشر في الخارج، يشتموا ويهاجموا ونفس الكلام بيتقال، وأنا برد عليهم وبقول: طيب إنتوا في القنوات الارهابية بتعملوا إيه؟.. بيشتموا الإعلاميين والفنانيين واتعودنا على قلة أدبهم”.

أكمل: “عشان كده أنا بحب الأدوار العظيمة زي فيلم “السرب” عشان بعبر خلاها عن مدى حبي والتفاني لبلدنا مصر.

وعن طبيعة دوره في الفيلم وهل سيكون قائد للقوات الجوية؟ قال شريف منير: “الفيلم مشرف في قصته لأنها ليست حدوتة مفتعلة لكنها قصة حقيقية تمثل مجزرة، وأخذ التار كان حقيقي، وكلنا سمعنا عن القصاص الي حصل بس ماشفنهوش على أرض الواقع، ومن خلال هذا العمل هنوري للناس جزء من القصاص على قد مقدرتنا وهو جزء بسيط من اللي حصل فعلياً والناس هتخرج بعد مشاهدة الفيلم تشعر بالفخر بالسينما المصرية وببلدها”.

وأكمل: “أحمد السقا بطل الفيلم وأنا عارفه لأنه أخويا الصغير، ويلعب دورا مهما جداً، وكل من خلف الكاميرا عمل شغل هايل”.

أردف شريف منير: “أنا عامل دور ضيف شرف في الفيلم لكن بالنسبة لأسر وكريم فهمي وأحمد حاتم .. إحنا كلنا بنشتغل في الفيلم ده شرف لينا مش ضيوف”.

وأكمل: “لما جالي دور صغير في فيلم “السرب ماقدرتش أتأخر ولا استنى، وجريت عليه”.

وحول وجود أدوار نسائية في الفيلم قال: “هند صبري موجودة في الفيلم وأنا دوري الجزء الخاص بي يتعلق بقصف القوات الجوية وإحنا قضينا أياما مع الأبطال الحقيقيين وشفنا ناس رجالة ورحبوا بينا جداً وقدموا لينا التسهيلات بكل حب وأمانه وإحنا كممثلين بنستمع بحاجات المواطن العادي مش بيشوفها زي ماتفرجنا أثناء التصوير على طائرات ” اف 16″ ولما شفنا قائد الطيارة قدامنا بنحس بسعادة كبيرة “.