بوابة حديث مصر الإخبارية إخبارية, مستقلة, شاملة
علق الإعلامي عمرو أديب على فيديو متداول حول فيديو يجمع مجموعة من الأشخاص، ادعت اللجان الإلكترونية ومنصات الإخوان أنه لاحتجاج مواطنين في محافظة السويس على هدم المبانى المخالفة، قائلا: “الفيديو ده الإخوان تداولوه النهاردة، وبيقولك شرارة، أديكو شايفين الفيديو لا شايفين شرارة ولا نيلة، لو أنتوا شايفين شىء ضخم وحاجة تقلق قولولي يمكن أنا مش واخد بالى”.
وأضاف عمرو أديب خلال برنامج الحكاية الذي يذاع على قناة mbc مصر: “الإخوان بيقولوا متروحوش أماكن مفتوحة، بيقولوا لأنصارهم انزلوا أماكن مقفولة واهتفوا هتافين تلاتة، كل ده على أمل الشرارة، واحنا شايفين عود كبريت وقع في المحيط محدش شافة ولا حس بيه، وعلى فكرة هما عملوا كدة السنة اللي فاتت بالظبط لكن فشلوا برضه”.
وقال أديب: “الناس دي بتعمل ثورة على تويتر بس، وكلهم برة مصر، وعلى فكرة أنا بحترم آراء كل الناس، واللي عاوز يقول حاجة يقولها، بس نتكلم صح ونقول آراء صح، الناس دي بتكرر نفسها بسذاجة غريبة، احنا شوفنا في فرنسا وأمريكا مظاهرات كتير أوي، يعني حتى لو ده حصل فهي لا شرارة ولا نيلة الناس دي عاوزة الناس تنزل بأي طريقة”.
وأضاف: “الناس اللي بتكلمنا عن النزول، بتكلمنا كأنهم عارفين احنا عاوزين إيه، مش تسألني الأول أنا عاوزك ولا لا، وهو مين أصلا اللي بيقولي أنزل؟ هل أنا موافق أني أسلم بلدي لقوى خارجية أو لقطر؟ أنا عاوز أعرف أنا بتعامل مع مين؟ عرفوني هسلمها لمين بس عشان نبقى على نور، مهما كانت مشاكل مع بلدي، والله أبدا البلد دي متتحكمش من أي جماعة أو بلد تانية”.
وفي السياق، نفى مصدر أمني لـ«حديث مصر»، خروج مظاهرات في السويس، وما تنم نشره على المواقع الإخوانية عارية تمامًا من الصحة.
