لطفي لبيب يكشف عن أزمة المسرح في مصر: نقص كتّاب يقدمون أفكار مفيدة

تحدث الفنان لطفي لبيب عن أزمة المسرح في مصر، مشيرًا إلى أن الأزمة تكمن في ندرة وجود كتّاب للأعمال المسرحية يقدمون أعمالًا غزيرة ذات أفكار مفيدة.

وقال لطفي لبيب: احنا عايشين أزمة مسرح اليومين دول، وأزمة كتّاب، كان زمان عندنا نجيب محفوظ وتوفيق الحكيم ويوسف إدريس والفريد فرج وعلي سالم ولنين الرملي وصلاح عبد الصبور وعبد الرحمن الشرقاوي، كل دول كتبوا مسرح، كوكبة من الكتّاب.

وأردف لطفي لبيب: النهاردة لما بندور هنسأل مين كتّاب مسرح دلوقتي؟ احنا محتاجين حوافز لكتّاب المسرح، محتاجين كاتب مسرح يغيرلنا الدنيا والكلمة، إنما مهرجان المونودراما ممكن يؤخذ من الأدب العام، احنا عيشنا مرحلة كانت الدنيا كلها متمسرحة.

وتابع لطفي لبيب: كان فيه كتب مسرح، وسلسلة روائع المسرح العربي، ومجلة المسرح وكل عدد كان بينزل بنص مترجم، فجأة مفيش النصوص ديه، ومفيش السلاسة ديه وتوقفت حركة الترجمة ومنعرفش السبب ورغم إننا في أمس الاحتياج لـ ده، ومصر طول عمرها موهوبة ومليانة مواهب.

أعمال لطفي لبيب

يعد فيلم مرعي البريمو هو آخر أعمال لطفي لبيب، الذي طرحه الفنان محمد هنيدي ونافس به في موسم أفلام صيف 2023، كما ظهر كضيف شرف خلال أحداث فيلم وش في وش مع الفنان محمد ممدوح وأمينة خليل.