بوابة حديث مصر الإخبارية إخبارية, مستقلة, شاملة
تحدث الكاتب مدحت العدل عن تجربته مع الفنان محمد رمضان في فيلم ع الزيرو، الذي عُرض الفترة الماضية وحقق خلاله نجاحا كبيرا.
وقال مدحت العدل خلال تصريحات تليفزيونية: لما جينا نعمل فيلم ع الزيرو قدمنا اللي الناس بتحبه في محمد رمضان المهرجانات والجسم والشكل، وقدمنا خط إنساني لايق على محمد رمضان، وكل الناس قالت إننا غيرنا جلد محمد رمضان.
أما عن سبب تأجيل عرض فيلم ع الزيرو، فأوضح مدحت العدل: صورنا جزء من الفيلم قبل شهر رمضان، وبعدين محمد رمضان دخل مسلسله وإحنا دخلنا مسلسلاتنا، وبعدين محمد عمل فيلم اسمه هارلي ونزل في العيد الصغير، فكان لازم إننا ننتظر علشان مينزلش فيلمين ورا بعض، ونجاح مسلسل جعفر العمدة، خلى محمد رمضان يسافر أمريكا ويجي وإحنا احترمنا فرحة الراجل بنجاحه، وملحقناش نخلص تصوير علشان ينزل في العيد الكبير.
وعن المنافسة بين محمد هنيدي ومحمد رمضان، بعدما طُرح فلميهما يوم 2 من شهر أغسطس، فعلق مدحت العدل قائلًا: أكيد ده مش تحدي لـ محمد هنيدي ده ابن الشركة، ومن وجهة نظري كال ما كان فيه أفلام حلوة كل ما اتقال إن البضاعة حلوة وإن السوق فيه حاجات كتير، وأنت لن تعمل عملًا جيدًا بدون منافسة، وأنت مش المفترض إنك تخاف من حد، والنجاح بتاع ربنا.
