بوابة حديث مصر الإخبارية إخبارية, مستقلة, شاملة
ننشر فى هذة الرواية الخيالية ما يحدث من فساد داخل مركز منفلوكوالمبور واليكم
حلقة متتالية تم نشرها سابقا على صفحة الصحفى على الفيس بوك
يحدث في منفلوكوالمبور (1)
يوجد منطقة اسمها الكبير تم تقسيم خمس أفدنة زراعية وتم بناء عشر منازل مدفوع فى كل منزل 30الف للمتابعة ورئيس المركز عن طريق المقاول حيث المقاول مسيطر علي المجلس وبعد تعب رئيس المركز قام النائب بطلب 30الف تانى
فني التنظيم موقوف 70يوم لكن دة زراع النائب مشغلوا علشان يجمع له من منطقة فوكتر والكبير ونوال وشغال كل يوم يخرج يمر علي المنطقة وياخد الحصيلة
حوض البرك خلف هندسة ري منفلوكوالمبور تم عمل شادر مخالف وتم تبوير خمس أفدنة يتم عمل طريق فيهم وتقسيمهم علي علم من الزراعة ورئيس المركز
منفلوكوالمبور (2)
مدير أملاك الدولة السابق بمنفوكلامبور المنقول في قضيه فساد بيتم التحقيق فيها جاء المجلس بتوكتوك وفتح الادارة مساء يوم الاثنين الماضي بعلم رئيس المركز والنائب علشان ياخد ملفات قبل ما يجي مدير أملاك الدولة بالمحافظة لفحص ملفات الادارة
رئيس المركز متمارض علشان متورط معاة فى معاينات وهمية وجمعوا ملايين وعقود وهميه تم تمزيق بعضها
الا من المفروض تحويل كل هؤلاء إلي النيابه العامه وليس تحويل شخص واحد
?يحدث في
نائب رئيس المركز غرقان فى الحب مع واحدة بحري البلد وشغال علي الواتس اب على طول وسايب المركز لرئيس قرية يدير المركز مكانه
المشكله ان رئيس القرية سايب القرية بتاعتوا وبيلم المحصول مع بتاع المتابعه
الكل مضبط مع حودة بتاع المتابعة علي الاخر فهناك مخالفات فى فريحة وفكتور وحسن خليل وكوم الدباينة والجزيرة المرتفعة وبني سنادات عشرات المحاضر وقرارات الإزالة كل يوم تتمضي وبتاع المتابعة ريحها مع الكل بيبلغ علي مخالفتين وبيقبض في باقى المخالفات مع رئيس المركز ونائبه وشله العصابة
منفلوكوالمبور(4)
يوجد محجر زلط غرب سوق المواشى فى بنى عادي بمنفلوكولامبور متقسم علي أربعة اجزاء
هناك ما يسمي بالدكتورة ليها الربع
الاستاذ علي عطعوط رئيس القرية كان عايز يقسم معاهم بس حدث مشاكل بعد كدة فقعد يساوم علي 50فدان ارض مزروعة
أصحاب المحجر مرديوش وبعد كدة خد ٩ مليون من بيع وتخليص اراضي للدكتورة اللي جمعت حتي الان حوالي ٧٠ مليون فقط من اماكن مختلفة نظير انهاء اوراق وبيع اراضي املاك الدولة وبعد كدة رئيس القرية جمع اللي جمعوا وقعد يبيع في ارض املاك الدولة ويكتب عقود مضروبة وكان متفق مع مدير الاملاك ورئيس المركز ومعهم مدير المنظومة وشله العصابة لحد ما ريحتهم فاحت
ضحكوا علي المدير الكبير وعطوه علي قفاه وصوروة وسجلوله فزعل وضرب فيهم خازوق عند المحافظ والسكرتير العام فطلع قرار ينقل رئيس القريه ومدير الاملاك ومدير المنظومة وكذ واحد تاني
وبعد كدة تدخل مدير المتابعة واتفقوا أنهم ياخدو مليون جنية من أصحاب المحجر بإمارة الاتفاق والجلسه التي كانت بالكافتيريا بجوار الجامع علي الكوبري القبلي فى منفلوكوالمبور
لك الله يا كولالمبور
منفلوكوالمبور (5)
رئيس قرية حواتكمنفلوكوالمبور والسيد نائب رئيس المركز اتفقوا واعدوا العدة مع حودة متابعه وشلة الحرامية فيما بينهم حيث يوجد ثلاث أفدنة ارض زراعية بجوار قنطرة المذين جاري تقسيمهم مبانى وانشاء قنطرة علشان توصل للأراضي لاستغلالها مبانى
شلة الحرامية طلبوا من اصحاب الارض 300الف لكن أصحاب الأراضى عايزين يدفعوا 50الف بس
كل يوم شله الحرامية يرحوا يرفعوا القنطرة الحديد الواصلة للأراضي وسيلة ضغط منهم لدفع 300الف ولكن أصحاب الأراضى من عائلات مش قادرين عليهم أكثر من خمس مرات يتم رفع القنطرة الحديد ورجوعها تانى
لك الله يا منفلوكوالمبور
منفلوكوالمبور (6)
قام رئيس المركز بتكليف سكرتير للمجلس شغال مرشد مع انه درجة ثالثة وفيه خمس اسماء جاءت من المحافظة ليتم الاختيار بينهم لكن الكل خايف من هذا المرشد قبلما يكتب فيه مذكرة ببلاويهم يعني تهديد من تحت لتحت مع ان كل تاشيرات السكرتير غلط وكل يوم تحدث مشاكل بسببه
ومن ناحية تانيه بلغت غرفة العمليات بالمحافظة نوبتجي المركز بضرورة ايقاف مخالفه مباني قبلي البلد بجوار صيدلية لان اصحابها خارج مصر ومليانين وبيبنوا مخالف ودافعين حتي الان مبلغ ١١٠ بس ،،مقسمين بين النائب وحودة متابعه ورجع النائب اتخانق مع النوبتجي وعينك ما تشوف غير الاهانه وقلة الادب بين موظفي المجلس وكل ذلك تحت رعاية رئيس المركز
اما فضيحة الاملاك وجدوا شخص دافع ثمن الارض كاش وأاخد خصم ولا يوجد خطاب للتسعير بسعر الارض بالملف ،، يعني كله ماشي بالمحبة والدفع والاحضان وتصوير فيديوهات سيكو سيكو ،،مش صح يا رقم ٦
لك الله يا كولالمبور
منفلوكوالمبور(7)
مزرعة بني ساندات تم الاتفاق بين رئيس قرية حواتكمنفلوكوالمبور والسيد رئيس المركز المتمارض حيث تم زراعه فدانين ذرة شامية من ارض المزرعة بدون ايجار حيث كان بيصرف عليهم عمور عايض من جيبة وتم بيع محصول الفدانين لحسابهم الخاص دة غير بيع الصباخ ومخلفات المواشى اللي بيقسموها مع بعض غير مشروع الثروة الحيوانيه اللي باظ علشان سرقاتهم المتعددة.
ومن جهه اخري قام النائب الحبوب بترك المرأة بتاعه بحري البلد وماشى مع بنتها الان وفني التنظيم الموقوف كل يوم بيلف علي المخالفات بعلم النائب وبيروح المخالفة قبل النائب علشان الإزالة يتفق مع المخالف انو هيزيل عمودين بس اما باقى الأعمدة علي كل عمود هيسبوة الف جنية دة غير اتفاق حودة متابعة حيث انه بيحاسب بالمتر
يحدث في منفلوكوالمبور
امام الصيانة بتاعت الوحدة المحلية لمركز ومدينة منفلوكوالمبور تم بناء برج باسم الواد ابن محروس بتاع الوزير مدفوع فيه 150الف لرئيس المدينة المتمارض وحودة متابعه ونائبة طلعوا خمس ادوار حتي الآن بدون ترخيص أو محاضر وكان حاطين علية رخصة مضروبة علشان الناس وخدو في كل دور ٣٠ الف
اما الحملة الميكانيكية والعمرات بتاع الحملة معروف عند رئيس المركز والنائب انو حرامي وبيتفق مع الشركات بخصوص العمرات فهناك لودر تم ارسالة إلى شركة كتر بلر بسوكولامبور لعمل عمرة تتكلف 350الف جنية وفعلا اللودر راح الشركة ورجع من الشركة من غير ما يعملوا فية اي حاجة رجع اوحش من الاول ما فيش اي سحب ولا شغل وعايزين يمضوا السواق علية والسواق خايف وسلملي علي السرقة عيني عينك
لك الله يا كولالمبور
منفلوكوالمبور (9)
في منفلوكوالمبور الفساد والافساد زاد بطريقه غريبه وهنتواصل معكم لعلنا نجد مسئول نظيف ابن حلال يتحرك في هذة المخالفات ولكن الظاهر ان من يدير كوالمبور نفسها مش ابن حلال فيوجد بشارع عمر ابن الخطاب برج تم تزوير فى الرخصة باسم جوزيف اورلوا وتم التلاعب فى إيصال التوريد والبرج طلع خمس ادوار زيادة بعد ما رئيس المركز المتمارض والنائب ومدير الإدارة الهندسية اتظبطوا من الشيخ حسني بتاع فيلم الكتكات وتم تظبيط بتاع المتابعة حيث انه كان كل يوم يبلغ علية وبعد ما قبض سكت
المفاجأة ان الاسكان اخد ملف الرخصة للمراجعة وبعد كدة بالسلامة
وفيه مدرسة السلام تم بناء دور كامل مخالف لان كل المريدين بيروحوا للمقاول الذي يسييطر على المجلس وعلي كل منفلوكوالمبور بكل مافية
اما سوق البائعة الجائلين تم عمل السوق فى 2015عبارة عن مقابر وتم التعديل فى عام 2022وتم عمل عقود لتسكين السوق أكثر من مرة السيد مدير الاشغالات مع مكتب الريس بيتم عمل عقود للباعة ويتم تحصيل مبلغ500جنية علي كل عقد يتم توريد مبلغ 250جنية فقط والباقى يتم توزيعة ولم يتم تسكين السوق لان المجلس سايب الناس مسيطرة علي ميدان القلعة بياخدو من كل بائع الف جنيه يدفع ياخد فى السوق ميدفعش مباخدش وكلوا دة بعلم مدير الاشغالات والسيد رئيس المركز والنائب وكمان مدير الاشغالات بيتم اخد الاستبن بتاع التكاتك وكل واحد يجي ياخد العجلة بتعتوا يدفع 350جنية بدون اي إيصال بعلم النائب
هي دي منفلوكوالمبور شغالين اتاوة علي الشعب المنفلوكوالمبوري
منفلوكوالمبور (10)
يوجد ٢٣ فدان املاك أملاك دولة ببني عادي بجوار المرور ظهير صحراوي مخصصة عمارات سكنية لوزارة الأوقاف تم الاستيلاء عليها بمساعدة رئيس القرية السابق علي عطعوط ورقم ابو ٦ مدير الأملاك وتم تقنينها لشخص مليان دفع حتي الان اتنين مليون وسبعمائة الف وكذلك شراكة بين رئيس القرية والمواطن اللي دفع للكبار والمنظومة ومدير الاملاك غير الدكتورة والعمدة وارض المدافن اللي هنتكلم عليهم لاحقا
من ناحية اخري نجد السيد رئيس قرية حواتكمنفلوكوالمبور معاة عربية تبع الشغل تعمل لحسابة الخاص يقوم هو بسايقتها بنفسة طول الليل يلف بيها فى المدينة علي اساس أنة هو الذي يدير المدينة ويقبض وبيساعد النائب الحبيب وعربية تانى فى القرية مع موظفين حماية الأراضى مع العلم أن هناك قرى مفهاش عربيات خالص اما المخالفات الموظفين بيروحوا بقلاب النظافة أو توكتوك وما ادراك ما التوكتوك اللي بيلموا فلوس علي حسة
منفلوكوالمبور (11)
املاك الدولة جمعت اللصوص الكبار والموظفين ممكن ياكلون مال السحت في كروشهم فهناك مدير عام قبض من مكان ٢٥٠ الف ومن مكان ٧٠٠ الف ومن مكان ١٠٠ الف ومكان اخر ٥٠٠ الف واستولي احد اخطوباتات الاراضي علي ١٤٧ فدان جنب سير الاسمنت وباع فيهم بالمتر وقبض ملايين ودفع لكبير المحافظة وسيتم التقنين علي انها ارض زراعية وهي ارض بناء قريبة من الاهالي واسالوا الدكتورة دفعت لمين وصورت مين واحنا هنغير الاصوات وهنشر تسجيل خطير مدبلج خيالي قريبا بالاتفاق والفلوس اللي اندفعت
من جهه اخري نجد السيد رئيس قرية شقيننفلوكوالمبور ظالم محور منفلوكوالمبور معاة كل يوم أكثر من عشر مخالفات بناء علي الارض الزراعية وبناء بدون ترخيص وتسالوا يقول تبع الناس اللي بيوتهم هتزال فى المحور
ممكن تكون المخالفة فى الشهداء أو التكية بعيدة كل البعد عن المحور خالص وينسب المخالفة للمحور وبتوع المتابعة مريحين الكلام معاة علي الاخر علشان الريس من بني نفس القرية
ممكن بيكون فى عشرين مخالفة بيبلغوا علي اتنين او تلاتة بس والباقى شربوا بيه شاي بالياسمين
أكثر من خمس مخالفات تعديات علي الأراضى الزراعية فى هذة القرية شهريا فين المتابعة من السيد نائب الرئيس الحبوب وممكن يكون مش فاضي من كلام البنت وامها حيث اصبح فنيين التنظيم وحماية الأراضى أصبحوا مليونيرات وفلوس النائب علي الستات
لك الله يا كوالالمبور
منفلوكوالمبور (12)
هاني ابو الدوبس من قرية العزيات التابع لمستنقع منفلوكوالمبور ومعاه اخر قدموا شكوي في الدكتورة اللي مقدمة علي ثلاث قطع وبيقولوا انها قابضة ٧٠ مليون من اخرين لتقنين اوضاعهم لانها في الشئون القانونية بكوالالمبور البلد مع ان المنظومة قفلت وقدمت بعد القفل بتاريخ قديم بالمنظومة ووجدوا ان ليها طلب واحد ب ٣٤ فدان وان مدير المنظومة ضحك عليها ونصب عليها وعملها ورق مزور ولم ينهي ليها اي اوراق وفيه غلط في المعاينات بتاعه المعاينه من الاصلاح الزراعي والناس بيطالبوا بالفلوس اللي ضاعت واللي تم صرفها علي علي عطعوط ورقم سته والمنظومة والمتمارض والمدير
الدكتورة سجلتلهم كلهم ووزعت التسجيلات للكل مع ان الشكوي بتقول انهم عملوا الفدان بخمسين الف ليها وبجوارها تم احتساب الفدان لاخرين ب ١٥٠ الف والريس المتمارض ركن الشكوي بعد توجيهات للشئون القانونيه وامك في العشه ولا طارت
اما عمنا يوم الخميس بتاع بني الروافع خاربها جوة وبرة ولما بيروح المجلس كانه يوم عيد بيدفع للكبير والصغير والكل عينه مكسورة والنائب الحبوب وحودة متابعه نالوا البركه منه والبيت علي الزراعة ٥٠ وبعيد عن الزراعه ٢٥ والبط والوز والفطير شغال علي ودنه
ي منفلوكوالمبور (13)
فى شخص من كومبومنفلوكوالمبور اسمة المرزوق المبارك وشريكة الهاشم المنتظر دافعين للدكتورة مليون ومائتين الف عشان 110فدان واتعمل الفدان بربع التمن ومحضر التسعير مزور ووقع عليه موظف في إدارة أملاك دولة في منفلوكوالمبور تبع الدكتورة
طلب تانى بتاع واحد من عرب العمايماتكوالمبور زمام بنى العادي على طريق المحجر دافع 500الف عشان 50فدان للدكتورة
و في اتنين قاعدين في املاك الدوله في منفلوكوالمبور تبع رقم ٦ لم يصدر لهم قرارات نقل فكل صغيرة وكبيرة يبلغوا بيها الدكتورة واى ورق بروح المحافظة او ييجى يتصور ويبتعت واتس في الحلم والتامر اللى شغال عميل مزدوج
ونجد الحلاق كان بيمضى على محاضر معاينه وتسعير بدل رقم ٦ والعقود المزورة اللى تبع الدكتورة مع النسيم اللى جابتة الدكتورة من بنى العادي لمنفلوكوالمبور وتحت حماية المتمارض رئيس المجلس لانه شريك الدكتورة
ومن ناحية تاني النائب الحبوب لابس جزمه كلاركس تمنها ثلاث الاف جنيه وبنطلون جينز من السرقة والنهب اللي شغال فيه ولم الفلوس ولكي الله يا منفلوكوالمبور
منفلوكوالمبور (14)
فضائح املاك الدولة ورئيس قرية العادي فاقت الوصف فتم اكتشاف علاقات جنسية وفيديوهات لرقم ٦ وزواج عرفي لعطعوط من احد السيدات التي جمعت الملايين علي اعتبار انها موظفه في الوزارة التي تقوم بالتقنين
ونجد النائب الحبوب بتاع البنت وامها بتوع بحري البلد يرفع رجلة بمكتب مسئول بكوالالمبور علشان يظهر لهم ان الجزمة تقليد وليست كلاركس ب ٣ الاف وعامل نفسه شحات وهو واخد حتي الان من المباني المخالفه اكتر من اتنين مليون جنيه مع حودة متابعه ورئيسهم اللي جابهم رئيس متابعه كوالمبور لانهم من نفس البلد
ومن ناحية تاني نجد الامين كان موظف في مكتب رئيس المجلس وبعدين مسك ورق مهم على الريس بيهدده بيه وبياخد كل المكافآت والجمع والعطلات وبياخد فلوس من كل حاجه من فلوس العقود بتاعه محلات الباعة الجائلين ومن مكافات التصالح ومن دمغات الإدارة الهندسية ومن حافز بيع ارض الأملاك ومن كل حاجه وعشان بيهدد ماسك مشروع حياة كريمة وما ادراك وأخيرا طلع قرار يمسك ادارة مهمة اسمها ادارة الازمات رغم انه على الدرجة الرابعة في مشروع الخبز يعني على الصندوق ودة يعتبر جريمة وأحيانا بيبقى معاة ختم المجلس
منفلوكوالمبور خربانه في الخيالات بتاعتنا
